طريقة عمل خبز الفوكاتشيا باستخدام الخميرة الطبيعية
٥٠٠ دقيق
٣٥٠ ميه
١٠٠ ستارتر
١٠ جرام ملح
١٥ جرام زيت زيتون وكل ما كان جودته احسن كل ما طعم الفوكاتشا يبقى اجمل
بعمل كل الخطوات الاولى زي الساوردو عادي بس بعد اخر مد وطي بغطيه زي ما هو وادخله التلاجة اقل حاجة ١٦ ساعة مثلا
تاني يوم اطلعه انزله في الصينية اللي هخبز فيها اكون اصلا حاطة فيها معلقتين كبار زيت زيتون من تحت
واغطيه تاني واسيبه ساعة او اكتر لحد ما ياخد حرارة الجو عادي ويفرش ويملى الصينية
اشغل الفرن يسخن على ٢٢٠ واحط معلقتين كبار زيت الزيتون على الوش واعمل النغزات بصوابعي واحط التوبينج ( انا حطيت طماطم مقطعة مكعبات وروز مارى وزعتر بري وزيتون مقطع شرايح وشوية جبنة موتزاريلا ) وعالفرن ٢٠ دقيقة تقريبا
هنتابعه ممكن يحتاج كام دقيقة تاني زيادة عشان يتحمر وشه
لما يستوي هنطلعه من الصينية يبرد حوالي نص ساعة لساعة و بعدين نقطعه وبألف هنا وشفا
تعليقات
إرسال تعليق
نرحب دائما بتعليقاتكم واستفساراتكم على الوصفة ...