احدث الوصفات

2017-09-24

تورتة عيد ميلاد بكيك اسفنجى بطريقة بسيطة

تورتة عيد ميلاد بكيك اسفنجى بطريقة بسيطة جدا وسهلة ومكونات متوافرة بكل بيت

 الوجبة تحلية
 المطبخ المصري
 مدة التحضير 15 دقائق
 مدة الطبخ 35 دقائق
 الوقت الكلي 50 دقائق
 يكفي لعدد 8 أشخاص
 الشيف شيف رونا

المقادير

1 كوب دقيق منخول
1 ملعقة بيكنج باودر كبيرة
1 ملعقة خل كبيرة
1 ملعقة نشا كبيرة
6 حبة بيض كبيرة
1 كوب سكر
1/4 كوب ماء
1 ملعقة فانيليا صغيرة

التزيين

2 باكو دريم ويب
1/2 كوب حليب مثلج
1 علبة أناناس كمبوت
الوان طعام ازرق - أحمر - اصفر فوستر كلاركس

الخطوات

  1. نحضر 3 بيضات ونفصل الصفار عن البياض
  2. بالنسبة لل 3 صفارات اللي فصلناهم نضيف عليهم ال 3 بيضات الباقيين ونضيف عليهم نص مقدار السكر والفانيليا كلها ونضربهم بمضرب البيض
  3. وبعدين نضيف عليهم المية ونضربهم كويس جدا لمدة لا تقل عن 10 دقائق حتى يتكون خليط لونه فاتح وهش جدا
  4. اما ال٣ بياض نضيف عليهم رشه الملح ومعلقه الخل ونص مقدار السكر الباقي ونضربهم كويس قوى لغايه ما "نقلب الطبق ما يقعش"
  5. طبعا اهم حاجه يكون المضرب والطبق ناشف والبيض بحرارة الغرفه ومفيهوش اى صفار خالص
  6. نحضر الدقيق ونضيف اليه البيكينج باودر والنشا وننخلهم كويس مرتين
  7. هنضيف الدقيق على الصفار بالتبادل مع البياض على ٣ مرات ونقلب ببطيء من تحت لفوق على شكل نص دايرة عشان نحافظ علي الهوا
  8. وبعدين نجيب صينيه وسط وندهنها سمن خفيف ونبطنها بدقيق ونحط الخليط فيها وندخلها فرن مسخن مسبقا ونظبط الحرارة وسط علي درجة 180 لمدة 35 دقيقه
  9. ونختبرها بخلة اسنان واول ما تستوى نطفي الفرن ونفتح باب الفرن ونسيبها جوة لما تهدى خالص هنقلبها على منخل سلك ويستحسن نزوقها تانى يوم 
  10. هنقسمها 3 طبقات ونسقي كل طبقه شراب كمبوت "العصير الموجود مع الاناناس" ونرص الطبقات فوق بعض ونحط كريمه وموز او اناناس بين الطبقات
  11.  ونزوقها بالكريمه حسب ذوقنا

ليست هناك تعليقات:

إرسال تعليق

نرحب دائما بتعليقاتكم واستفساراتكم على الوصفة ...

قائمة الصفحات